Ang Medicaid renewal ay nangangahulugan na milyun-milyong tao ang maaaring mawalan ng kanilang mga benepisyo

Tinatawag mo man itong pag-renew ng Medicaid, muling pagpapasya sa Medicaid o recertification ng Medicaid, pareho lang ang ibig sabihin ng mga ito. Ito ay kapag kailangan ng mga taong nakakakuha ng mga benepisyo ng Medicaid na magpa-certify muli, o mag-renew, ng kanilang saklaw. Upang magawa ito, kailangan nilang patunayan na natutugunan pa rin nila ang mga kinakailangan sa pagiging kwalipikado upang makatanggap ng mga benepisyo ng Medicaid sa kanilang estado. Sa karamihan ng mga estado, kailangan ng mga benepisyaryo ng Medicaid na mag-renew bawat taon.

Lumikha ang pandemya ng COVID-19 ng emerhensya sa kalusugan ng publiko. Sa panahong ito, pansamantalang itinigil ang kinakailangan sa mga tumatanggap ng Medicaid na mag-renew bawat taon. Pinahaba ang emerhensya sa kalusugan ng publiko na dulot ng pandemya nang maraming beses mula noong Enero 2020. Bilang resulta, pansamantalang natigil ang recertification sa Medicaid nang mahigit sa 2 (na) taon at maraming tao na ngayon ang nasa Medicaid. Sa katunayan, mahigit sa 81 milyong tao ang naipatala sa Medicaid hanggang noong Mayo 2022.¹

Sa dulo ng 2022, nagpasa ang Kongreso ng pang-isang taon na pakete sa paggasta para sa 2023. Itinakda rin ng panukalang batas na ito ang Abril 1, 2023 bilang bagong petsa ng pagsisimula kung kailan magsisimulang muli ang muling pagpapatunay sa Medicaid. Pagkatapos, ang mga estado ay mayroon hanggang sa 12 (na) buwan upang muling patunayan ang lahat ng tumatanggap ng kanilang Medicaid. Ngunit hindi ito magiging madaling gawain. Iyon ay dahil maaaring wala nang pakikipag-ugnayan ang mga estado sa maraming nakatala sa Medicaid sa loob ng 2–3 (na) taon. Napakaraming address o impormasyon sa pakikipag-ugnayan ang maaaring luma na.

Ang mga tumatanggap ng Medicaid na hindi makakapag-recertify ay nanganganib na mawalan ng kanilang saklaw ng Medicaid at maaaring mawalan sila ng saklaw ng insurance sa kalusugan. Para sa sinumang nasa Medicaid, mahalagang tiyakin na ang ahensya ng Medicaid ng iyong estado ay may tumpak at napapanahon na impormasyon sa pakikipag-ugnayan para sa iyo.

Tinatayang kasindami ng 15 milyong tao na mas bata sa edad na 65 ang maaaring mawalan ng kanilang mga benepisyo sa Medicaid sa sandaling matapos ang proseso ng muling pagpapatunay sa Medicaid.² Ang kawalan ng saklaw ng Medicaid ay maaaring mas magpahirap sa pagkuha ng pangangalagang medikal. Maaari rin itong magresulta sa mga mahal na mga bayaring medikal para sa mga walang segurong pangkalusugan.

Ang mga taong kwalipikado para sa parehong Medicare at Medicaid ay tinatawag na kwalipikado sa dalawahan. Dual Special Needs Plans (D-SNPs) are a type of Medicare Advantage plan that provide extra benefits beyond Original Medicare and Medicaid*.

Kailangan mong magkaroon ng saklaw ng Medicaid upang maging kwalipikado para sa isang D-SNP. Kaya pagkalipas ng Abril 1, 2023, kailangang muling patunayan ng mga miyembro ng D-SNP ang kanilang saklaw ng Medicaid. Ang mga miyembro ng D-SNP na nalamanng hindi na sila kwalipikado para sa Medicaid sa kanilang estado ay kailangang pumili ng ibang uri ng plano ng Medicare. Para sa pinakabagong impormasyon tungkol sa muling sertipikasyon ng Medicaid, mangyaring sumangguni sa Ahensya ng Medicaid sa inyong estado.

*Nag-iiba-iba ang mga benepisyo at feature ayon sa plano/lugar. May mga nalalapat na limitasyon at pagbubukod.
¹May 2022 Medicaid & CHIP Enrollment Data Highlights(accessed August 29, 2022)
^2.Why Millions on Medicaid Are at Risk of Losing Coverage in the Months Ahead, (KFF, February 14, 2022) (accessed March 1, 2022)