Hindi madali ang buhay ng mga parehong may Medicare at Medicaid. Maraming tao na dual-eligible para sa Medicaid at Medicare ang may mga pabalik-balik na isyu sa kalusugan. Maaaring kailanganin nilang regular na magpatingin sa maraming iba’t ibang provider ng pangangalaga. Posible ring nagpapatingin sila sa mga tagapayo sa mental health para sa depresyon o anxiety. At mga therapist para makatulong sa pananakit at paggalaw. Maaaring kailanganin din nila ng espesyal na kagamitang medikal o tulong sa transportasyon.

Maraming oras at enerhiya ang kailangan para mag-coordinate ng maraming provider at serbisyo. Para sa mga tao na dual-eligible para sa parehong Medicaid at Medicare, nakakalito na ang mismong papeles pa lang.

Ang mga dual health plan, o mga Dual Special Needs plan, ay para sa mga taong kuwalipikado para sa parehong Medicare at Medicaid. Ang mga dual health plan (D-SNPs) ay may kasamang mga karagdagang benepisyo na makakatulong na mapagaan ang mga hamong kinahaharap ng mga miyembrong dual-eligible. Sakop ng ilan sa mga ekstrang benepisyong ito ang pangangalaga at mga serbisyong higit sa Medicaid at Original Medicare.* Mas pinapadali ng iba pang serbisyo para sa mga miyembro ng dual health plan na ma-manage ang kanilang pangangalaga. Dito pumapasok ang Navigator.

Kapag marami kayong pangangailangan sa pangangalaga, at mayroon kayong Medicaid at Medicare, maaaring mahirapan kayo sa pasikot-sikot ng sistema ng pangangalagang pangkalusugan. Hindi ba't mainam kung may isang taong makakatulong para gabayan ka at makakatulong na sagutin ang mga tanong mo? Ang Navigator ang taong lalapitan mo para matulungan ka sa bawat hakbang na kinakailangan sa iyong paglalakbay tungo sa malusog na pamumuhay. Walang babayaran para sa serbisyong ito.

Katulad ng pangalan nito, matutulungan ka ng Navigator mo na:

• Gumawa ng planong makakatulong sa mga tanong tungkol sa iyong mga pangangailangan sa paggagamot, transportasyon, at pagkain
• Mag-iskedyul ng mga appointment at transportasyon papunta sa iyong doktor, dentista, o parmasya
• Rebyuhin ang mga benepisyo mo para matulungan kang masulit ang iyong plano
• Tumulong sa pagsigurong mayroon ka at ang mga taong nangangalaga sa iyo sa tahanan ng mga bagay na kailangan ninyo
  

Para sa mga miyembro ng dual health plan, ang Navigator ang nagsisilbing tangi ninyong point of contact. Ang inyong Navigator ay isang pinagkakatiwalaang tagapayo. Isang tao na pag-aaralan ang tungkol sa inyong mga partikular na hamon sa kalusugan. Makikipagtulungan ang Navigator mo sa iyo, iyong pamilya, at iyong mga tagapag-alaga para masigurong natutugunan ang mga pangangailangan mo sa pangangalaga.

Kadalasan, komplikado at nakakalitong mundo ito para sa mga dual-eligible at kuwalipikado pareho sa Medicaid at Medicare. Nakakatulong ang pagkakaroon ng dual health plan para mapadali ang mga bagay. Pero mas mainam pa na may Navigator na puwedeng tawagan para tanungin at hingian ng ekstrang suporta kapag kailangan mo.

*Nagkakaiba-iba ang mga benepisyo, feature at/o device depende sa plano/lugar. Maaaring may mga limitasyon, eksklusyon, at/o mga restriksyon sa network.