"Dual eligible" ang mga taong kuwalipikado pareho sa Medicare at Medicaid nang sabay. "Dual eligible" sila para sa parehong programa sa pangangalagang pangkalusugan.

Ang Dual Special Needs Plan ay isang uri ng plano sa insurance na pangkalusugan. Para ito sa mga taong parehong may Medicaid at Medicare. Kung ikaw ito, "dual-eligible" ka. (Ibig sabihin lang nito, maaari kang magkaroon ng Medicaid and Medicare nang magkasabay).

Matuto pa tungkol sa mga Dual Special Needs plan ng UnitedHealthcare

Ang Medicare ay isang pambansang programa ng insurance na pangkalusugan na pinapatakbo ng pederal na pamahalaan. Para ito sa mga taong edad 65 at mas matanda, at para din sa mga taong wala pang 65 taong gulang na may mga partikular na kapansanan.

Matuto pa tungkol sa Medicare.

Ang Medicare ay isang pambansang programa ng insurance na pangkalusugan na pinapatakbo ng pederal na pamahalaan. Para ito sa mga taong edad 65 at mas matanda, at para rin sa mga taong walang 65 taong gulang na may mga partikular na kapansanan. Ang Medicaid ay isang joint program na pinopondohan nang magkasama ng mga estado at pederal na pamahalaan. Milyon-milyong tao ang nakakakuha ng coverage sa kalusugan sa pamamagitan ng programang Medicaid ng kanilang estado. Ang mga bata, buntis na babae, nakatatandang adult, at mga taong may kapansanan, pati na rin ang mga eligible na adult na may mababang kita ay karaniwang sakop ng Medicaid.

Matuto pa tungkol sa Medicaid vs. Medicare

Oo. Tumatanggap ang ilang tao ng mga benepisyo mula sa Medicare at Medicaid. Ang mga taong ito ay "dual eligible." Kuwalipikado sila para sa Medicare dahil sa edad (sila ay 65 na taong gulang o mas matanda) o dahil sa pagkakaroon ng kapansanan. Kuwalipikado rin sila para sa Medicaid dahil natutugunan nila ang mga requirement maging kuwalipikado para sa Medicaid sa kanilang estado.

Para makita ang mga planong available sa iyong lugar, pakigamit ang search box sa ibaba ng page na ito.

Ang Medicare at Medicaid ay dalawang magkahiwalay na programang may magkaibang mga requirement sa eligibility.

Para maging kuwalipikado sa Medicare, kailangan mong maging:

• Hindi bababa sa 65 taong gulang, o wala pang 65 at kuwalipikado batay sa pagkakaroon ng kapansanan o iba pang espesyal na sitwasyon.

AT

• Mamamayan ng U.S. o legal na residente na nanirahan sa U.S. sa loob ng hindi bababa sa 5 magkakasunod na taon.

Para maging kuwalipikado para sa mga benepisyo ng Medicaid ng estado, kailangan mong:

• Wala pang 65 (na) taong gulang at nakatutugon sa mga requirement para sa mga pamilyang may mababang kita, buntis at mga bata, mga indibidwal na tumatanggap ng Supplemental Security Income (SSI), may kapansanan o iba pang espesyal na sitwasyon.
• Hindi bababa sa 65 (na) taong gulang at ikaw din ay:
  • Tumatanggap ng Karagdagang Tulong o tulong mula sa iyong estado.
  • Bulag o may kapansanan, pero hindi nangangailangan ng pangmatagalang pangangalaga.

Ang mga programa ng Medicaid ay kadalasang sumasalo sa mga benepisyo na hindi iniaalok ng Medicare. Maaaring kabilang sa mga halimbawa ang coverage sa ngipin, paningin, at pandinig, tulong sa transportasyon, at pangmatagalang pangangalaga. Ang pagbabayad ng ilang partikular na gastos sa Medicare ay isa pang paraan para makatulong sa Medicare ang mga programa ng Medicaid.

Ang pangkalahatang layunin ay magtulungan ang Medicaid at Medicare nang mas epektibo para mapabuti ang pangangalaga at mapababa ang mga gastos. Responsibilidad ng Medicare-Medicaid Coordination Office na tiyaking may kumpletong access sa tuloy-tuloy na pangangalagang pangkalusugan na de-kalidad ang mga taong naka-enroll pareho sa Medicare at Medicaid. Ginawa ang Medicare-Medicaid Coordination Office sa loob ng Centers for Medicare & Medicaid Services (CMS) bilang bahagi ng Affordable Care Act.

Nag-aalok ang mga dual health insurance plan ng mga benepisyo at serbisyo na hindi karaniwang makukuha sa Medicare o Medicaid. Gamit ang dual health plan, mapapanatili mo ang iyong mga benepisyo sa Medicaid, at makakakuha ka ng mas maraming benepisyo kaysa sa Original Medicare nang kasingbaba ng $0 na premium ng plano. Maraming karagdagang benepisyo at feature na kasama sa mga dual health plan ng UnitedHealthcare.¹

Maaaring masalo ng aming mga plano ang:

• Routine na pangangalaga sa ngipin
• CA flexible na buwanang credit na gagastusin sa masustansyang pagkain, mga produktong nabibili nang walang reseta, at mga utility bill
• Mga eksaminasyon sa mata, pati credit para sa eyewear
• Mga eksaminasyon sa pandinig, at credit para sa mga hearing device
• At marami pa

¹Nagkakaiba-iba ang mga benepisyo, feature at/o mga device depende sa plano/lugar. May mga limitasyon at eksklusyon.

Kasama rin sa ilang dual health plan ang coordination ng pangangalaga. Malaking tulong ito — lalo na para sa mga taong may mga komplikadong pangangailangang medikal. Mas pinapadali nito ang pagma-manage ng iyong mga doktor, espesyalista, at serbisyo sa pangangalaga.

Pakitandaan na maaaring mabago ang mga iniaalok ng mga dual plan ng UnitedHealthcare, at ang mga partikular na benepisyo na kasama rito, depende sa kung saang lugar ka nakatira. Para sa mga detalye tungkol sa mga dual plan na available sa iyong lugar, pakigamit ang search box sa ibaba ng page na ito.

1. Nakakakuha ka ba ng mga benepisyo sa Medicaid ng estado? (Kung gayon, may state Medicaid card ka.)

Ikaw ay wala pang 65 (na) taong gulang at nakatutugon ka sa mga kinakailangan para sa mga pamilyang may mababang kita, buntis at mga bata, mga indibidwal na tumatanggap ng Supplemental Security Income (SSI), may kapansanan o iba pang espesyal na sitwasyon.

• Hindi ka bababa sa 65 (na) taong gulang at ikaw din ay:
• Tumatanggap ng Karagdagang Tulong o tulong mula sa iyong estado
• Bulag o may kapansanan, pero hindi nangangailangan ng pangmatagalang pangangalaga

2. Mayroon ka bang Part A at B ng Medicare?

• Ikaw ay hindi bababa sa 65 na taong gulang, o wala ka pang 65 na taong gulang at kwalipikado ka batay sa kapansanan o iba pang espesyal na sitwasyon
  AT
• Isa kang mamamayan ng U.S. o legal na residente na nanirahan sa U.S. sa loob ng hindi bababa sa 5 na magkakasunod na taon

3. Naninirahan ka ba sa lugar kung saan available ang mga dual plan?

Masasabi sa iyo ng isang lisensyadong sales agent ng UnitedHealthcare kung nakatira ka sa service area namin. O, para makita ang mga planong available sa iyong lugar, pakigamit ang search box sa ibaba ng page na ito.

Ang mga Dual Special Needs plan (D-SNP) ay may tuloy-tuloy na Special Enrollment Period (SEP), na tumatakbo sa mga unang 9 na buwan ng taon. Ang mga taong kuwalipikado ay maaaring mag-enroll o magbago ng mga plano isang beses bawat 3 buwan. Ang mga pagbabago sa pagpapatala ay magiging epektibo sa unang araw ng susunod na buwan.

TANDAAN: Mahalagang tandaan na para manatiling kuwalipikado para sa isang dual health plan, kailangan mong muling magpa-certify para sa Medicaid bawat taon. Basta't mananatili kang eligible, awtomatikong mare-renew taon-taon ang iyong dual health plan. Matuto pa tungkol sa enrollment sa D-SNP.

Ang mga miyembro ng mga Dual Special Needs plan (D-SNPs) ay maaaring sumali, lumipat, o umalis sa kanilang plano nang 1 beses sa bawat 3 buwang enrollment period. Ang mga panahong ito ay Enero hanggang Marso; Abril hanggang Hunyo; at Hulyo hanggang Setyembre.

Kung gagawa ka ng pagbabago, magkakaroon ito ng bisa sa unang araw ng susunod na buwan. Maaari ka ring gumawa ng mga pagbabago sa iyong coverage sa Annual Enrollment Period mula Okt. 15 hanggang Dis. 7. Kung gayon, magkakaroon ng bisa ang iyong mga pagbabago sa Ene. 1 ng susunod na taon. Matuto pa tungkol sa mga enrollment period ng mga dual health plan.

Kung nakalista ka sa dual plan ng UnitedHealthcare at hindi ka na eligible sa Medicaid, iho-hold ka namin nang 6 na buwan. Sa panahong ito, kailangan mong bayaran ang hatian ng gastos gaya ng mga copayment, coinsurance, deductible, at premium. Kapag hindi mo napanumbalik ang iyong eligibility sa Medicaid pagkatapos ng 6 (na) buwan, aalisin ka sa enrollment sa aming dual plan.

Pero tandaan, maaari kang mag-enroll sa dual plan sa anumang oras. Kapag napanumbalik mo ang iyong coverage sa Medicaid, makipag-usap lang sa lisensyadong sales agent ng UnitedHealthcare para muling mag-enroll sa dual plan.

Oo. Nakadepende sa estado ang enrollment para sa mga Dual Special Needs plan (D-SNP). Ang mga D-SNP ay iniaalok sa karamihan ng mga estado, pero hindi sa lahat ng mga estado. Gayundin, ang mga uri ng D-SNP na makukuha (at ang mga benepisyong ibinibigay ng bawat plano) ay maaaring magbago depende sa county kung saan ka nakatira. Maaari mong gamitin ang search box sa ibaba ng page para makita ang mga plano na available sa iyong lugar. Kung hindi ka sigurado, tawagan kami at makipag-usap sa isa sa aming mga lisensyadong ahente. Ipapaliwanag niya ang lahat ng pagpipilian at tutulungan ka niyang mahanap ang tamang dual-eligible health plan para sa iyo.

Mula Okt. 15 hanggang Dis. 7 bawat taon ang Annual Enrollment Period o ang Open Enrollment Period para sa Medicare Advantage at coverage sa inireresetang gamot ng Medicare. Ang sinumang mayroon nang anumang uri ng coverage sa Medicare ay makakagawa ng mga pagbabago sa kanyang coverage para sa paparating na taon. Mula Ene. 1 hanggang Marso 31 bawat taon ang Open Enrollment Period sa Medicare Advantage. Tanging ang mga tao na mayroon nang planong Medicare Advantage ang maaaring magpalit sa panahong ito.

Kadalasang sakop ng aming mga dual plan ang pangangalaga ang mga serbisyo sa preventive care at routine nang wala kang dagdag na babayaran. Nag-aalok din kami ng tulong sa pag-coordinate ng mga benepisyo sa Medicaid. Kabilang sa iba pang standard na benepisyong sakop ng aming mga dual plan ang:

• Ngipin
• Paningin
• Pandinig
• Tulong sa transportasyon
• Hotline ng pangangalaga
• At marami pang ibang benepisyo at feature¹

¹Nagkakaiba-iba ang mga benepisyo, feature at/o mga device depende sa plano/lugar. May mga limitasyon at eksklusyon. Alamin ang higit pa tungkol sa mga benepisyo ng D-SNP.

Oo. Ang coverage sa ngipin* ay isa sa maraming ekstrang benepisyo na maaari mong makuha nang walang bayad sa pamamagitan ng Dual Special Needs Plan (D-SNP) mula sa UnitedHealthcare. Bukod sa mga regular na eksaminasyon at pagpapalilinis, maaari ka ring makakuha ng allowance para sa mga serbisyo sa ngipin. Ang allowance na ito ay maaaring makatulong sa pagbabayad sa iba’t ibang pangangalaga sa ngipin, tulad ng mga pasta, root canal, implant, at iba pang serbisyo sa ngipin. Matuto pa tungkol sa coverage sa ngipin ng D-SNP para sa mga may Medicaid at Medicare.

*Nagkakaiba-iba ang mga benepisyo depende sa plano at lugar ng serbisyo. May mga limitasyon at eksklusyon.

Oo. Ang coverage sa paningin* ay isa sa maraming ekstrang benepisyo na maaari mong makuha nang walang bayad sa pamamagitan ng Dual Special Needs Plan (D-SNP) mula sa UnitedHealthcare. Bukod sa mga routine na eksaminasyon sa mata, ang iyong coverage sa paningin ay maaari ding magbigay sa iyo ng daan-daang dolyar na credit para makatulong sa pambayad ng eyewear. Malaking tulong iyon sa pagbabayad para sa bagong salamin sa mata at mga contact lens. Matuto pa tungkol sa coverage sa paningin ng D-SNP para sa mga may Medicaid at Medicare.

*Nagkakaiba-iba ang mga benepisyo depende sa plano at lugar ng serbisyo. May mga limitasyon at eksklusyon.

Kung mayroon kang Dual Special Needs plan (D-SNP), mataas ang tsansang sasaluhin para sa iyo ang karamihan sa mga gastos mo. Kapag kumukuha ng pangangalagang medikal ang mga miyembro ng Medicare, hindi sasaluhin ng Medicare ang buong halaga ng mga serbisyo. Ang parte o hating natitira ay responsibilidad na bayaran ng miyembro ng Medicare. Maaaring tawagin ang mga ito na premium, copay, coinsurance o deductible. Tumutulong ang mga programang Medicaid ng Estado sa pagbabayad ng mga gastos na ito para sa mga indibidwal na mababa ang kita. Kung wala kang Medicaid, maaaring nakadepende ang iyong mga eksaktong gastusin sa planong pipiliin mo.

Oo. Dahil isang Medicare Advantage plan ang D-SNP, sakop ng Medicare ang karamihan sa mga gastos kapag kumukuha ang mga miyembro ng Medicare ng pangangalagang medikal. Responsibilidad na ng miyembro na bayaran ang parte o hating natira. Maaaring tawagin ang mga ito na premium, copay, coinsurance o deductible. Para sa mga taong nasa D-SNP plan, tumutulong ang mga programa ng Medicaid ng estado na bayaran ang mga gastos na ito.  

Nag-a-apply ang coordination ng mga benepisyo (COB) sa mga taong may coverage sa ilalim ng mahigit sa isang planong pangkalusugan. Tinutukoy sa COB kung aling plano ang pangunahing (unang) tagabayad at kung aling plano ang pangalawang tagabayad. Iko-coordinate ng pangunahing tagabayad ang paghahatid ng lahat ng benepisyo ng planong pangkalusugan. Sasaluhin ng pangalawang tagabayad ang hindi sasaluhin ng pangunahing tagabayad sa mga gastos at benepisyo.

Ang mga Dual Special Needs plan (D-SNP) ay isang uri ng Medicare Advantage plan. Kaugnay nito, ikino-coordinate ng D-SNP ang paghahatid ng parehong mga benepisyo ng Medicare at Medicaid. Sa karamihan ng mga kaso, sinasalo ng Medicaid ang mga benepisyo at gastos na hindi sinasalo ng D-SNP. Ikino-coordinate din ng mga D-SNP ang pagma-manage ng pangangalaga, pagma-manage ng sakit at iba pang klinikal na serbisyo.

Ang D-SNP ay nangangahulugang Dual Special Needs plan. Ang mga planong ito ay para sa mga indibidwal na mababa ang kita na dually eligible pareho sa Medicaid at Medicare. Ang C-SNP ay nangangahulugang Chronic Special Needs plan. Ang mga planong ito ay para sa mga taong may pabalik-balik na kondisyon sa kalusugan. Kasama sa mga halimbawa ang chronic heart failure, mga cardiovascular disorder, at diyabetis.

Ginawa pareho ang mga Dual Special Needs plans (D-SNP) at mga Medicare-Medicaid plano (MMP) para maging mas madali para sa mga dual-eligible na indibidwal na makakuha ng pangangalaga. Pinapadali ng mga planong ito ang access sa pangangalaga sa pamamagitan ng Medicare at Medicaid. Pero may mahalagang pagkakaiba ang ito. Sa isang MMP, ang lahat ng benepisyo ng Medicare at Medicaid ay ibinibigay sa pamamagitan ng iisang planong pangkalusugan. Sa isang D-SNP, napapanatili ng mga miyembro ang parehong plano ng Medicaid at ang lahat ng parehong benepisyo ng Medicaid na nakukuha nila ngayon. Bukod dito, mayroon silang hiwalay na Medicare Advantage plan na karaniwang nagbibigay sa kanila ng mas maraming benepisyo at feature kaysa sa Original Medicare. Ang isa pang pagkakaiba ay tanging ang mga full dual eligible ang makakapag-enroll sa isang MMP, samantalang posible para sa mga parehong full at partial dual eligible na makakuha ng D-SNP. Matuto pa tungkol sa mga benepisyo ng Medicaid sa mga D-SNP.

Ang Part D ng Medicare ay coverage sa inireresetang gamot. Sakop nito ang ilang partikular na inireresetang gamot na hindi pa sakop ng mga Part A at B ng Medicare. Ang mga Special Needs Plan (SNP) ng Medicare ay isang uri ng Medicare Advantage plan. Kasama sa mga dual health plan ang coverage sa gamot. Pero kung may ginagamit kang anumang inireresetang gamot, kailangan mong tiyakin kung sakop ng dual health plan ang iyong mga gamot bago ka mag-enroll. Matuto pa tungkol sa coverage sa inireresetang gamot ng dual health plan.

Oo, nakabase sa network ang mga Dual Special Needs plan (D-SNP). Kinakailangan sa mga planong ito na kumuha ang mga miyembro ng pangangalaga at mga serbisyo mula sa mga doktor o ospital sa kanilang network sa Medicare SNP. Magkakaiba ang laki at ang mga populasyong sineserbisyuhan ng mga network ng SNP. Kasama sa mga uri ng mga network ang:

1. Mga network na sumasaklaw sa isang tinukoy na lugar. Halimbawa, maaaring saklawin ng isang network ang isang buong estado, habang sinasaklaw naman ng ibang network ang isang county. Kadalasan, nangangahulugan ito na maaaring sineserbisyuhan ang isang lugar ng mahigit sa isang network.
2. Mga network na umaasikaso sa isang partikular na isyu sa kalusugan, tulad ng dementia. Maaaring sumali sa network ang mga provider na nagbibigay ng mga serbisyo sa mga pasyente na may partikular na kondisyon.

Matuto pa ang tungkol sa paghahanap ng naaangkop na doktor kapag mayroon kang Medicaid at Medicare.

Hindi. Hindi kailangan ang mga referral para makatanggap ng pangangalaga mula sa sinuman o alinmang doktor, ospital o klinika sa loob ng network.

Ang UnitedHealthcare Community Plan ay naglilingkod sa mga miyembrong kuwalipikado para sa Medicaid o para sa Medicaid at Medicare sa 42 na estado at sa District of Columbia.*

Nag-aalok ang UnitedHealthcare ng mga plano ng Medicaid sa mga estadong ito:
Arizona, Colorado, Florida, Hawaii, Indiana, Kansas, Kentucky, Louisiana, Maryland, Michigan, Minnesota, Missouri, Mississippi, North Carolina, Nebraska, New Jersey, Nevada, New York, Ohio, Pennsylvania, Rhode Island, Tennessee, Texas, Virginia, Washington, Wisconsin

Nag-aalok ang UnitedHealthcare ng mga Dual Special Needs plan (D-SNP) sa mga estadong ito**:
Alabama, Arkansas, Arizona, California, Colorado, Connecticut, District of Columbia, Delaware, Florida, Georgia, Hawaii, Iowa, Indiana, Kansas, Kentucky, Louisiana, Massachusetts, Maryland, Maine, Michigan, Minnesota, Missouri, Mississippi, Montana, North Carolina, Nebraska, New Jersey, Nevada, New York, Ohio, Oklahoma, Pennsylvania, Rhode Island, South Carolina, South Dakota, Tennessee, Texas, Utah, Virginia, Washington, Wisconsin, West Virginia, Wyoming

*Mula Setyembre 2023
**Hindi available sa lahat ng county