Wala nang mas mahalaga o mas personal pa kaysa sa iyong kalusugan. Kung kaya naman napakahalaga ng ugnayan mo sa iyong mga doktor. Malaking tiwala ang ibinibigay mo sa iyong mga doktor para gabayan ka dahil gusto mong matiyak na pinipili mo ang pinakamagagandang opsyon para sa iyong pangangalaga. Tutulungan ka ng artikulong ito na makahanap ng mga provider ng pangunahing pangangalaga at mga espesyalistang may karanasan at malugod na maglilingkod sa mga may Medicaid at Medicare.

Magandang tanong 'yan para sa sarili mo. Kung problema ang transportasyon, baka magandang magkaroon ng doktor na malapit o doktor na madaling mapuntahan. Siguro, gusto mo ng doktor na nagsasalita ng wikang ginagamit mo. O kaya, kung mayroon kang partikular na kondisyon o kapansanan, puwede kang maghanap ng taong nangangalaga ng iba pang pasyenteng may mga katulad na hamong kinakaharap.

Ang iyong provider ng pangunahing pangangalaga, o PCP, ay ang pangunahing doktor na kinokonsulta mo para sa kalakhan ng iyong pangangalaga. Alam ng iyong PCP ang tungkol sa personal na history ng kalusugan mo at siya ang mag-aasikaso sa mga eksaminasyon para sa wellness at preventive care. Ire-refer ka rin ng iyong PCP sa iba pang espesyalista. Halimbawa, kung kailangan mong kumonsulta sa isang tao para sa pagpapayo sa mental health, physical therapy, o iba pang espesyal na pangangalaga, ang PCP mo ang mag-aayos ng lahat.

Kung mag-e-enroll ka sa dual health plan, hindi awtomatikong nangangahulugan na kailangan mong magpalit ng mga doktor. Malaki ang posibilidad na tumatanggap din ang mga kinokonsulta mong doktor sa kasalukuyan ng insurance ng UnitedHealthcare. Pinapadaling online search directory namin na tingnan ang mga doktor ng network, mga espesyalista, at pasilidad sa pangangalaga na malapit sa iyo. At para sa mga taong magpapalit ng doktor, magiging sulit ito dahil sa lahat ng ekstrang benepisyo* na matatanggap nila sa pamamagitan ng dual health plan.

Pinapadali sa aming online search tool ang paghahanap ng doktor, espesyalista, o iba pang provider na nasa network na malapit sa iyo. Ilagay lang ang iyong ZIP code. Pagkatapos, makakapaghanap ka na ayon sa pangalan ng doktor, uri ng pangangalaga, pasilidad, mga serbisyo at paggagamot para mahanap ang eksaktong kailangan mo. Makikita mo kung tumatanggap sila ng mga bagong pasyente, kung tumatanggap sila ng Medicare at higit pa.

*Nagkakaiba-iba ang mga benepisyo, feature at/o device depende sa plano/lugar. Maaaring may mga limitasyon, eksklusyon, at/o mga restriksyon sa network.